ဘ၀ရဲ့အရောင်များ

ညနှင့်လမ်းလျှောက်ခြင်း
-------------------------------
အမြဲတမ်းတွေ့နေတဲ့ ညက။
မနေ့ညက၊ ညက တစ်စိမ်းတစ်ယောက်လိုပါပဲ....။
လမ်းတွေက ဆောင်းတွင်ဝင်စ အအေးနုနုနဲ့ငြိမ်သက်နေတယ်။
အဲ့ဒီ့ညက၊ ညလမ်းမ ပေါ်မှာ ခွေးလေခွေးလွင့်တွေမရှိဘူး၊
အဲ့ဒီ့ညက၊ ညလမ်းမ ပေါ်မှာ အရက်သမားတွေမရှိဘူး။
လမ်းဘေးဝဲယာက ဈေးဆိုင်တွေ အိပ်ရာဝင်စပြုနေလေရဲ့...၊
ကျွန်တော်က တစ်ယောက်တည်း
လမ်းပေါ်မှာလမ်းလျှောက်ရင်း
ကျွန်တော့်ရဲ့အသက်ရှုသံက
ကျွန်တော့်ရဲ့ခြေထောက်က ခြေသံနဲ့တိုင်ပင်ခေါက်လို့။
အဲ့ဒီ့ညက လမ်းက တစ်လမ်းလုံး တိတ်ဆိတ်တယ်။
ကျွန်တော်ကတော့ ဒီတစိမ်းဆန်တဲ့လမ်းပေါ်မှာ
တစ်ယောက်တည်း ပျင်းရိစွာအိမ်ပြန်ခဲ့တယ်။
လမ်းဘေးက သစ်ပင်ကြီးတစ်ချို့က
တစ်ရှဲရှဲနဲ့ ၀တ်ကျေတန်းကျေတော့ နုတ်ဆက်ပါရဲ့။
ကျွန်တော့်အိမ်ပေါက်ရောက်တော့
တံခါးက အရင်လိုပဲ ကျိုးပျက်ပွင့်အာနေလေရဲ့....၊
အတားအဆီးမရှိဒီလမ်းမှာ ကျွန်တော့်ခြေထောက်တွေ
အိမ်အရောက်မှာတော့ လေးလံသွားခဲ့ပြီ။
ဘာပဲဖြစ်ဖြစ် မနေ့ညက၊ ညက
ကျွန်တော်အတွက် တကယ်ပဲ ညပီသ ခဲ့ပါတယ်။